ഒ.ഇ.സി സ്​കോളർഷിപ്​​: 20 വരെ വിവരം നൽകാം

കണ്ണൂർ: സർക്കാർ, എയ്ഡഡ് സ്കൂളുകളിൽ ഒന്നുമുതൽ 10 വരെ ക്ലാസിൽ പഠിക്കുന്ന അർഹരായ ഒ.ഇ.സി വിഭാഗം വിദ്യാർഥികളുടെ വിവരങ്ങൾ ഓൺലൈൻ വഴി സമർപ്പിക്കുന്നതിൽ വീഴ്ചവരുത്തിയ സ്ഥാപനങ്ങൾക്ക് 20 വരെ www.scholarship.itcshool.gov.in എന്ന വെബ്സൈറ്റിൽ ലോഗിൻ ചെയ്ത് വിവരങ്ങൾ ചേർക്കാം. 2017-18 വർഷത്തെ പ്രീമെട്രിക് വിദ്യാഭ്യാസ ആനുകൂല്യം സ്കൂൾ പ്രധാനാധ്യാപകരുടെ ഔദ്യോഗിക അക്കൗണ്ടിലേക്ക് െക്രഡിറ്റ് ചെയ്തിട്ടുണ്ട്. അവ എത്രയും വേഗം പിൻവലിച്ച് വിദ്യാർഥികൾക്ക് വിതരണം ചെയ്ത് അക്വിറ്റൻസ് പിന്നാക്ക വിഭാഗ വികസന വകുപ്പി​െൻറ കോഴിക്കോട് മേഖല ഡെപ്യൂട്ടി ഡയറക്ടറുടെ ഓഫിസിലേക്ക് അയക്കണമെന്ന് ഡെപ്യൂട്ടി ഡയറക്ടർ അറിയിച്ചു. 2015-16 വർഷങ്ങളിൽ ഒ.ഇ.സി വിഭാഗം വിദ്യാർഥികളുടെ വിവരങ്ങൾ ഓൺലൈൻ അപേക്ഷിച്ചതിനുശേഷം ബെനിഫിഷ്യറി ലിസ്റ്റ് കിട്ടിയിട്ടും ബന്ധപ്പെട്ട ബാങ്ക് അക്കൗണ്ടുകളിൽ ആനുകൂല്യം െക്രഡിറ്റ് ആകാത്ത സ്കൂളുകൾ സ്കൂൾ കോഡ്, ബാങ്ക് അക്കൗണ്ട് വിവരങ്ങൾ എന്നിവ സഹിതം രേഖാമൂലം മേഖല ഓഫിസിൽ അറിയിക്കണം.