ഇതരസംസ്​ഥാന തൊഴിലാളി സംഗമം

ശ്രീകണ്ഠപുരം: ജനമൈത്രി പൊലീസി​െൻറ നേതൃത്വത്തിൽ ശ്രീകണ്ഠപുരം സ്റ്റേഷൻ പരിധിയിൽ താമസിക്കുന്ന ഇതരസംസ്ഥാന തൊഴിലാളികളുടെ സംഗമം നടത്തി. ലഹരിവസ്തുക്കളുടെ ഉപയോഗം മൂലമുള്ള ദൂഷ്യഫലങ്ങളെക്കുറിച്ച് ബോധവത്കരണ ക്ലാസും നടത്തി. ആവശ്യമായ പ്രതിരോധ കുത്തിവെപ്പെടുക്കാനുള്ള നിർദേശങ്ങളും നൽകി. ഇവർക്കുനേരെ ഏതെങ്കിലും തരത്തിലുള്ള അക്രമമോ പീഡനമോ ഉണ്ടായാൽ പരാതി നൽകാമെന്നും പൊലീസ് അറിയിച്ചു. എസ്.ഐ ഇ. നാരായണൻ ബോധവത്കരണക്ലാസെടുത്തു. സീനിയർ സിവിൽ പൊലീസ് ഓഫിസർമാരായ രവീന്ദ്രൻ, കെ. പ്രസാദ്, ഹോം ഗാർഡ് ഷാജി എന്നിവർ സംസാരിച്ചു.