കേന്ദ്രീയ വിദ്യാലയങ്ങളിൽ മലയാളം പഠിപ്പിക്കാത്തത് ഫെഡറലിസത്തിെൻറ ലംഘനം- ^കെ.കെ. രാഗേഷ് എം.പി

കേന്ദ്രീയ വിദ്യാലയങ്ങളിൽ മലയാളം പഠിപ്പിക്കാത്തത് ഫെഡറലിസത്തി​െൻറ ലംഘനം- -കെ.കെ. രാഗേഷ് എം.പി കണ്ണൂർ: കേന്ദ്രീയ വിദ്യാലയങ്ങളിൽ മലയാളം പഠിപ്പിക്കാതെ പകരം സംസ്കൃതം പഠിപ്പിക്കുന്നത് ഫെഡറലിസത്തി​െൻറ ലംഘനമാണെന്ന് കെ.കെ. രാഗേഷ് എം.പി. കേന്ദ്രീയ വിദ്യാലയങ്ങളിൽ ഉൾപ്പെടെ ദ്വിഭാഷ പദ്ധതി അംഗീകരിച്ച് മലയാളം പഠിപ്പിക്കണം. കേരളത്തിലെ കേന്ദ്രീയ വിദ്യാലയങ്ങളിൽ മലയാളം പഠിപ്പിക്കാതെ മൃതഭാഷയായ സംസ്കൃതം പഠിപ്പിക്കുന്നത് ഭാഷാനയത്തിന് എതിരാണ്. വിവര -പൊതുജന സമ്പർക്ക വകുപ്പും ജില്ല ഭരണകൂടവും സംഘടിപ്പിച്ച കേരളപ്പിറവി ദിനവും ഔദ്യോഗിക ഭാഷ വാരാഘോഷവും ഉദ്ഘാടനം ചെയ്യുകയായിരുന്നു എം.പി. കേരളത്തിലെ സി.ബി.എസ്.ഇ സ്കൂളുകളിൽ മലയാളം നിർബന്ധമാക്കിയ സംസ്ഥാന സർക്കാറി​െൻറ തീരുമാനം സുപ്രധാനമാണ്. മലയാളത്തിന് ദേശീയതലത്തിൽ വേണ്ടത്ര പരിഗണന കിട്ടുന്നില്ല. പാർലമ​െൻറ് ലൈബ്രറിയിൽ പോലും മലയാളം പുസ്തകങ്ങൾ വളരെ കുറച്ചുമാത്രമാണുള്ളതെന്നത് എം.പി ചൂണ്ടിക്കാട്ടി. മലയാള ഭാഷയെ സംരക്ഷിക്കാൻ നമ്മുടെ കുട്ടികൾ മലയാളം പഠിക്കണമെന്നും അദ്ദേഹം പറഞ്ഞു. ഓരോരുത്തരും ത​െൻറ ഭാഷയിലെ കൃതികളും പുസ്തകങ്ങളും കണ്ടെത്തുമ്പോഴാണ് വളരുന്നതെന്ന് മുഖ്യാതിഥി ചലച്ചിത്ര സംവിധായകൻ പ്രിയനന്ദൻ പറഞ്ഞു. ഇന്നലെകളിൽ നാം എങ്ങനെയാണ് ജീവിച്ചത് എന്നതി​െൻറ തെളിവാണ് നമ്മുടെ കഥകളും കവിതകളും. അന്യഭാഷയോടുള്ള അടിമത്തത്തിലൂടെ, അന്യഭാഷ നമ്മുടെ ഭാഷയെ കവരുന്നതിലൂടെ നമ്മുടെ സംസ്കാരമാണ് മരിക്കുന്നത്. നമ്മളേക്കാൾ വലുതാണ് മറ്റുള്ളതെന്ന് തോന്നുന്നത് മിഥ്യാധാരണയാണെന്നും അദ്ദേഹം പറഞ്ഞു. ജില്ല പഞ്ചായത്ത് പ്രസിഡൻറ് കെ.വി. സുമേഷ് അധ്യക്ഷത വഹിച്ചു.