Begin typing your search above and press return to search.
exit_to_app
exit_to_app
Posted On
date_range 14 May 2017 11:00 AM GMT Updated On
date_range 14 May 2017 11:00 AM GMTകൊട്ടിയൂർ----- പാൽചുരത്ത് വീടിനുനേരെ അജ്ഞാതരുടെ ആക്രമണം
text_fieldsbookmark_border
കേളകം: കൊട്ടിയൂർ പാൽചുരത്ത് വീടിനുനേരെ അജ്ഞാതരുടെ ആക്രമണം. കൊട്ടിയൂർ പാൽചുരം പള്ളിയിൽ കഴിഞ്ഞ ഞായറാഴ്ച അക്രമത്തിനിരയായ വയലുങ്കൽ ജെയിംസിെൻറ വീടിന് നേരെയാണ് ആക്രമണമുണ്ടായത്. വെള്ളിയാഴ്ച രാത്രി 11 മണിക്കാണ് ഒരു സംഘമാളുകൾ വീടിനുനേരെ അക്രമം നടത്തിയത്. അക്രമത്തിൽ വീടിെൻറ ചില്ലുകളും ജനലുകളും തകർന്നു. അക്രമം നടക്കുമ്പോൾ ജെയിംസിെൻറ ഭാര്യ മോളി മാത്രമാണ് വീട്ടിലുണ്ടായിരുന്നത്. സംഭവത്തിൽ കണ്ണൂർ ജില്ല പൊലീസ് മേധാവിക്ക് ലഭിച്ച പരാതിയെ തുടർന്ന് കേളകം പൊലീസ് അേന്വഷണം ആരംഭിച്ചു. പള്ളി നിർമാണത്തിലെ കണക്കുകളിൽ ക്രമക്കേടുകളും അപാകതകളും ഉള്ളതായി ചൂണ്ടിക്കാട്ടി കൊട്ടിയൂർ പാൽചുരം സ്വദേശിയായ വയലുങ്കൽ ജെയിംസ് മാനന്തവാടി രൂപത ബിഷപ്പിന് പരാതി നൽകിയിരുന്നു. ഇതേത്തുടർന്ന് കഴിഞ്ഞ ഞായറാഴ്ച പള്ളിയിൽ വെച്ച് ജെയിംസ് അക്രമത്തിനിരയാവുകയും പരിക്കേറ്റ് പേരാവൂർ താലൂക്ക് ആശുപത്രിയിൽ ചികിത്സ തേടുകയും ചെയ്തിരുന്നു. അക്രമത്തിനെതിരെ കേളകം പൊലീസിൽ നൽകിയ പരാതി പിൻവലിക്കണമെന്ന ഭീഷണി നിലനിൽക്കെയാണ് ജെയിംസിെൻറ വീടിനുനേരെ വീണ്ടും അക്രമമുണ്ടാവുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story