Begin typing your search above and press return to search.
exit_to_app
exit_to_app
Posted On
date_range 29 March 2017 2:27 PM GMT Updated On
date_range 29 March 2017 2:27 PM GMTമദ്യവിൽപന കേന്ദ്രത്തിനെതിരെ രാപ്പകൽസമരം 11ാം ദിവസത്തിലേക്ക്
text_fieldsbookmark_border
പുതിയതെരു: ചിറക്കൽ റെയിൽവേ സ്റ്റേഷൻ പരിസരത്ത് ചിറക്കൽ ഗാന്ധിജി റൂറൽ ലൈബ്രറിക്ക് സമീപം മദ്യവിൽപനകേന്ദ്രം വരുന്നതിൽ പ്രതിഷേധിച്ച് പ്രദേശവാസികളുടെയും നാട്ടുകാരുടെയും സംയുക്ത രാഷ്ട്രീയ പാർട്ടികളുടെയും നേതൃത്വത്തിൽ നടക്കുന്ന രാപ്പകൽസമരം 11ാം ദിവസത്തിലേക്ക്. കഴിഞ്ഞദിവസം സമരപ്പന്തൽ കെ.എം. ഷാജി എം.എൽ.എ സന്ദർശിച്ചു. പ്രദേശത്ത് മദ്യശാല തുടങ്ങാനുള്ള ശ്രമം അവസാനിപ്പിക്കുന്നിെല്ലങ്കിൽ നിരാഹാരമടക്കമുള്ള സമരത്തിൽ പങ്കാളിയാകുമെന്ന് എം.എൽ.എ പറഞ്ഞു. ആക്ഷൻ കമ്മിറ്റി ജനറൽ കൺവീനർ സി.കെ. സുരേഷ് വർമ അധ്യക്ഷത വഹിച്ചു. ഐ.യു.എം.എൽ ജില്ല ട്രഷറർ വി.പി. വമ്പൻ, ജില്ല യൂത്ത് ലീഗ് വൈസ് പ്രസിഡൻറ് സി.പി. റഷീദ്, അഴിക്കോട് മണ്ഡലം യൂത്ത് ലീഗ് സെക്രട്ടറി കെ.കെ. ഷിനാജ്, സാംസ്കാരിക സംഘടനയായ ആർട്ട് ഓഫ് ലിവിങ് പ്രതിനിധികളായ ഡി. ഹരിദാസ് മംഗലശ്ശേരി, കെ.പി. പ്രശാന്ത്, പവനാനന്ദൻ, മിനി മനോജ്, ഉണ്ണികൃഷ്ണൻ എന്നിവർ സംസാരിച്ചു. വരുംദിവസങ്ങളിൽ സമരം ശക്തമാക്കാനും തീരുമാനിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story