കരിമരുന്ന്​ ശേഖരം: തടവും പിഴയും

കണ്ണൂർ: അളവിൽ കൂടുതൽ കരിമരുന്ന് ശേഖരം സൂക്ഷിച്ച കേസിൽ കടയുടമക്ക് തടവും പിഴയും. ശ്രീകണ്ഠപുരം നാഷനൽ ഫയർവർക്സ് ഉടമ മുഹമ്മദ് കുഞ്ഞിയെയാണ് ഒരുവർഷം തടവിനും 10,000 രൂപ പിഴ അടക്കാനും കണ്ണൂർ സബ് കോടതി ശിക്ഷിച്ചത്. പിഴ അടച്ചില്ലെങ്കിൽ മൂന്നുമാസം കൂടി തടവ് അനുഭവിക്കണം. 2009 നവംബർ നാലിനാണ് കേസിനാസ്പദമായ സംഭവം. പൊലീസ് നടത്തിയ പരിശോധനയിൽ കടയിൽനിന്ന് ലൈസൻസ് അനുവദിച്ചതിലും കൂടുതൽ കരിമരുന്ന്ശേഖരം പിടികൂടിയെന്നാണ് കേസ്.