മത്സ്യമാര്‍ക്കറ്റിലെ ചുമട്ടുതൊഴിലാളികൾ പണിമുടക്കി

കാഞ്ഞങ്ങാട്: കൂലിവര്‍ധന ആവശ്യപ്പെട്ട് കാഞ്ഞങ്ങാട് മത്സ്യമാര്‍ക്കറ്റിലെ ചുമട്ടുതൊഴിലാളികള്‍ എസ്.ടി.യു, സി.ഐ.ടി.യു എന്നിവയുടെ നേതൃത്വത്തില്‍ സൂചനാപണിമുടക്ക് നടത്തി. തുടർന്ന് കാഞ്ഞങ്ങാട് നഗരത്തില്‍ പ്രകടനവും നടത്തി. സുബൈര്‍ ആവിക്കര, സജിത്ത്, അന്തുമായ്, ഷൈജു, ലത്തീഫ്, ജാബിര്‍ എന്നിവര്‍ നേതൃത്വം നല്‍കി. മത്സ്യമാര്‍ക്കറ്റില്‍ നടന്ന സമാപനയോഗം എസ്.ടി.യു ചുമട്ടുതൊഴിലാളി ഫെഡറേഷന്‍ സംസ്ഥാന ട്രഷറര്‍ ഇബ്രാഹീം പറമ്പത്ത് ഉദ്ഘാടനം ചെയ്തു. എസ്.ടി.യു കാഞ്ഞങ്ങാട് മണ്ഡലം പ്രസിഡൻറ് യൂനുസ് വടകരമുക്ക് സ്വാഗതം പറഞ്ഞു. പ്രദീപ് അധ്യക്ഷത വഹിച്ചു. സി.ഐ.ടി.യു നേതാക്കളായ രാജീവന്‍, കൃഷ്ണന്‍ എന്നിവർ സംസാരിച്ചു.