Begin typing your search above and press return to search.
exit_to_app
exit_to_app
Posted On
date_range 29 Jun 2017 8:47 AM GMT Updated On
date_range 29 Jun 2017 8:47 AM GMTലോറി ഡിവൈഡറിലിടിച്ച് ഡ്രൈവർക്കും സഹായിക്കും പരിക്ക്
text_fieldsപയ്യന്നൂർ: പെരുമ്പ കെ.എസ്.ആർ.ടി.സി ഡിപ്പോക്ക് സമീപം ദേശീയപാതയിൽ ലോറി ഡിവൈഡറിലിടിച്ച് ഡ്രൈവർക്കും സഹായിക്കും പരിക്കേറ്റു. ഡ്രൈവർ തൊടുപുഴ കരിമണ്ണൂരിലെ കെ.എൽ. ബെന്നി (40), സഹായി കൊച്ചിയിലെ പി.കെ. സോമൻ(50) എന്നിവരെ പയ്യന്നൂർ സഹകരണ ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാത്രി 12 ഓടെയാണ് അപകടം. മംഗളൂരു ഭാഗത്തുനിന്ന് എറണാകുളം ഭാഗത്തേക്ക് പോവുകയായിരുന്ന ലോറിയാണ് പുതുതായി നിർമിച്ച ഡിവൈഡറിലേക്ക് ഇടിച്ചുകയറിയത്. ഡ്രൈവർ ഉറങ്ങിയതാണ് അപകടകാരണമെന്ന് കരുതുന്നു. ഇടിയുടെ ആഘാതത്തിൽ ലോറിയിലുണ്ടായിരുന്ന സോമെൻറ തല മുൻ ഗ്ലാസിലിടിച്ചാണ് പരിക്കേറ്റത്. ലോറിയുടെ ചില്ല് തകർന്നു. ഓയിൽ ടാങ്ക് പൊട്ടി ഡീസൽ റോഡിൽ ഒഴുകി. പൊലീസും അഗ്നിശമന സേനയും രണ്ടു മണിക്കൂർ പരിശ്രമിച്ചാണ് റോഡിലെ എണ്ണമയം ഒഴിവാക്കിയത്.
Next Story