പേരാവൂർ സബ് രജിസ്ട്രാർ ഓഫിസിൽ കുടിക്കട സർട്ടിഫിക്കറ്റ്​ വിതരണം ത്വരിതഗതിയിലാക്കി

കേളകം: പേരാവൂർ സബ് രജിസ്ട്രാർ ഓഫിസിൽ കുടിക്കട സർട്ടിഫിക്കറ്റ് വിതരണം അധികൃതർ ത്വരിതഗതിയിലാക്കി. 'കുടിക്കട സർട്ടിഫിക്കറ്റ് കിട്ടാക്കനിയായി പേരാവൂർ സബ് രജിസ്ട്രാർ ഓഫിസ്' എന്ന തലക്കെട്ടിൽ കഴിഞ്ഞ ദിവസം 'മാധ്യമം' വാർത്ത നൽകിയിരുന്നു. അപേക്ഷിച്ച് ആഴ്ചകൾ പിന്നിട്ടിട്ടും ലഭിക്കാത്തവരുടെ പട്ടിക നീണ്ടതിനെ തുടർന്നാണ് പരാതി ഉണ്ടായത്. ഓഫിസി​െൻറ പ്രവർത്തനം താളംതെറ്റിയതായും അടിയന്തര നടപടി വേണമെന്നും വിവിധ സംഘടനകൾ വകുപ്പ് മന്ത്രിക്ക് പരാതിയും നൽകിയിരുന്നു. എന്നാൽ, പേരാവൂർ സബ് രജിസ്ട്രാർ ഓഫിസിൽ കുടിക്കട സർട്ടിഫിക്കറ്റ് വിതരണത്തിൽ കാലതാമസം ഉണ്ടായിട്ടില്ലെന്നും കൃത്യമായി നടപടികൾ പൂർത്തിയാക്കുന്നുണ്ടെന്നും അധികൃതർ അറിയിച്ചു.