പൊലീസുകാരനെ ദുരൂഹസാഹചര്യത്തിൽ കാണാതായി

മഞ്ചേശ്വരം: ഡ്യൂട്ടിക്കു പോകുന്നുവെന്നു പറഞ്ഞ്‌ വീട്ടില്‍നിന്നിറങ്ങിയ പൊലീസുകാരനെ ദുരൂഹസാഹചര്യത്തില്‍ കാണാതായി. മംഗളൂരു റിസർവ് പൊലീസില്‍ ഹെഡ്‌കോൺസ്റ്റബിളായ ഹൊസങ്കിടി അംഗഡി പദവ്‌ ശാന്തിനഗറിലെ പരേതനായ ചൗക്കാറി​െൻറ മകന്‍ മോഹന്‍കുമാറിനെയാണ്‌ (35) കാണാതായത്‌. ജൂൺ അഞ്ചിനു രാവിലെയാണ്‌ മോഹന്‍കുമാര്‍ വീട്ടില്‍നിന്ന് ഇറങ്ങിയത്‌. അതിനുശേഷം തിരിച്ചെത്തിയിരുന്നില്ല. ബന്ധുക്കള്‍ മംഗളൂരു പൊലീസ്‌ ക്യാമ്പില്‍ അന്വേഷണം നടത്തിയപ്പോള്‍ ദിവസങ്ങളായി ജോലിക്കെത്തിയിരുന്നില്ലെന്നായിരുന്നു മറുപടി. തുടര്‍ന്ന്‌ മാതൃസഹോദരന്‍ സുന്ദര മഞ്ചേശ്വരം, പാണ്ഡേശ്വരം പൊലീസില്‍ പരാതി നല്‍കി.