ഇഫ്താർ സൗഹൃദസംഗമം

പഴയങ്ങാടി: വാദിഹുദ ഗ്രൂപ് ഓഫ് ഇൻസ്റ്റിറ്റ്യൂഷന് കീഴിൽ ഇഫ്താർ സൗഹൃദസംഗമം സംഘടിപ്പിച്ചു. സാമൂഹിക, സാംസ്കാരിക, രാഷ്ട്രീയരംഗങ്ങളിലെ പ്രമുഖരും വാദിഹുദ സ്ഥാപനങ്ങളിലെ ജീവനക്കാരും കുടുംബാംഗങ്ങളും പങ്കെടുത്തു. ജമാഅത്തെ ഇസ്ലാമി ജില്ല പ്രസിഡൻറ് പി. സിദ്ദീഖ് മാസ്റ്റർ ഉദ്ഘാടനം ചെയ്തു. തഅ്ലീമുൽ ഇസ്ലാം ട്രസ്റ്റ് ചെയർമാൻ വി.കെ. ഹംസ അബ്ബാസ് അധ്യക്ഷത വഹിച്ചു. മാടായി ഹോളിേക്രാസ് ചർച്ച് ഫാദർ ആരിഷ് സ്റ്റീഫൻ, മാടായി പള്ളി ഖതീബ് മുത്വലിബ് അസ്ലമി എന്നിവർ സംബന്ധിച്ചു. വാദിഹുദ ഗ്രൂപ് മാനേജിങ് ഡയറക്ടർ എസ്.എ.പി. അബ്ദുസ്സലാം സ്വാഗതവും എ. മുഹമ്മദ് കുഞ്ഞി നന്ദിയും പറഞ്ഞു.