മകനും ബന്ധുക്കളും യുവതിയെ ബിയർകുപ്പികൊണ്ട്​ മര്‍ദിച്ചു

കാസർകോട്: പ്രായപൂര്‍ത്തിയാകാത്ത മകനും ബന്ധുക്കളും ചേർന്ന് യുവതിയെ വീട്ടിൽനിന്ന് വലിച്ചിറക്കി ബിയർകുപ്പികൊണ്ട് മര്‍ദിച്ചതായി പരാതി. ദേളി കുന്നുംപാറയിലെ യുവതിയാണ് ആക്രമണത്തിനിരയായത്. മര്‍ദിച്ചപ്പോൾ തടയാന്‍ശ്രമിച്ച സഹോദര​െൻറ ഭാര്യയെ ബിയര്‍കുപ്പികൊണ്ട് അടിച്ചതായും പറയുന്നു. യുവതിയുടെ പരാതിയില്‍ 15കാരനായ മകനും ബന്ധുക്കളായ മൂന്നുപേർക്കുമെതിരെ കാസര്‍കോട് ടൗണ്‍ പൊലീസ് കേസെടുത്തു. പരിക്കേറ്റ യുവതി കാസര്‍കോട് ജനറല്‍ ആശുപത്രിയില്‍ ചികിത്സയിലാണ്. കഴിഞ്ഞദിവസം ഉച്ചക്കാണ് സംഭവം. സ്വത്തുസംബന്ധമായ പ്രശ്‌നമാണ് ആക്രമണത്തിന് കാരണമെന്ന് പറയുന്നു.