ആയുർവേദ ആരോഗ്യ ക്ലാസ്

ചെറുവത്തൂർ: പിലാന്തോളി ഉദയ വായനശാല ആൻഡ് ഗ്രന്ഥാലയം പാരമ്പര്യ വൈദ്യ ഫെഡറേഷൻ ജില്ല കമ്മിറ്റിയുടെ സഹകരണത്തോടെ ‌ സംഘടിപ്പിച്ചു. പാരമ്പര്യവൈദ്യ ഫെഡറേഷൻ ജില്ല സെക്രട്ടറി കെ. ജനാർദനൻ വൈദ്യർ വേപ്പിൻതൈ കൈമാറി ഉദ്‌ഘാടനം ചെയ്തു. ഗ്രന്ഥാലയം പ്രസിഡൻറ് ടി.പി. ധനേഷ് അധ്യക്ഷത വഹിച്ചു. സെക്രട്ടറി കെ. മനോജ്, എം. അതുൽ കൃഷ്ണൻ എന്നിവർ സംസാരിച്ചു. പി. സജീവൻ വൈദ്യർ ക്ലാസെടുത്തു. ആരോഗ്യ ക്ലാസിൽ പങ്കെടുത്ത മുഴുവൻപേർക്കും വേപ്പിൻതൈ വിതരണം നടത്തി.