ആറളത്തെ 190 കുട്ടികൾ ഇന്ന്​ 'ഗോൾഡ്​ കോയിൻ' കാണും!

കണ്ണൂർ: കുട്ടികളുടെ ചലച്ചിത്രമായ ഗോള്‍ഡ് കോയിൻ, ആദിവാസി കുട്ടികള്‍ക്കായി പ്രത്യേകം പ്രദര്‍ശിപ്പിക്കുന്നു. ഇരിട്ടി, വിളമന എന്നിവിടങ്ങളിലെ ട്രൈബല്‍ ഹോസ്റ്റലിലെ കുട്ടികള്‍ക്കുവേണ്ടിയാണ് ചിത്രം പ്രദര്‍ശിപ്പിക്കുന്നത്. ഞായറാഴ്ച രാവിലെ 10.30ന് ഇരിട്ടി ന്യൂ ഇന്ത്യ തിയറ്ററില്‍ നടക്കുന്ന പ്രദര്‍ശനത്തില്‍ 190 കുട്ടികള്‍ ചിത്രം കാണാനെത്തും. 2000ത്തോളം അനാഥക്കുട്ടികള്‍ക്കായി സംസ്ഥാനത്തുടനീളം പ്രത്യേക പ്രദര്‍ശനങ്ങളും സിനിമയുടെ അണിയറപ്രവര്‍ത്തകര്‍ നടത്തിയിട്ടുണ്ട്. ആറളം ഫാമിലെ ആദിവാസിക്കുട്ടികള്‍ക്കായി പ്രദര്‍ശനം സംഘടിപ്പിക്കാനും പദ്ധതിയുണ്ട്. ഐ.ടി.ഡി.പി വകുപ്പ് പൂര്‍ണസഹകരണം വാഗ്ദാനംചെയ്തതായി സിനിമയുടെ അണിയറപ്രവര്‍ത്തകര്‍ പറഞ്ഞു. ജൂൺ ഒമ്പതിന് റിലീസ്ചെയ്ത ചിത്രത്തി​െൻറ സംവിധായകന്‍ പ്രമോദ് ഗോപാലാണ്.