വ്യാപാരികൾ വളം വാങ്ങൽ നിർത്തിവെച്ചു

ക​ണ്ണൂ​ര്‍: സം​സ്ഥാ​ന​ത്തെ വ​ളം വ്യാ​പാ​രി​ക​ള്‍ ഫാ​ക്ടം ഫോ​സ്, യൂ​റി​യ, പൊ​ട്ടാ​ഷ് എ​ന്നീ വ​ള​ങ്ങ​ളു​ടെ വാ​ങ്ങ​ല്‍ നി​ര്‍ത്തി​വെ​ച്ചു. വ​ളം ഗോ​ഡൗ​ണു​ക​ളി​ലെ​ത്തി​ക്കാ​ന്‍ വ്യാ​പാ​രി​ക​ള്‍ക്ക് വ​രു​ന്ന ഭീ​മ​മാ​യ ചെ​ല​വു​ക​ളെ​ക്കു​റി​ച്ച് വ​ളം ഉ​ൽ​പാ​ദി​പ്പി​ക്കു​ന്ന ക​മ്പ​നി​ക​ളെ ബോ​ധ്യ​പ്പെ​ടു​ത്തി​യി​ട്ടും പ്ര​ശ്‌​നം പ​രി​ഹ​രി​ക്കാ​ന്‍ ത​യാ​റാ​കാ​ത്ത സാ​ഹ​ച​ര്യ​ത്തി​ലാ​ണ് വ​ള​ങ്ങ​ളു​ടെ വാ​ങ്ങ​ല്‍ നി​ര്‍ത്തി​വെ​ക്കു​ന്ന​തെ​ന്ന് അ​ഗ്രോ ഇ​ന്‍പു​ട്ട് ഡീ​ലേ​ഴ്‌​സ് അ​സോ​സി​യേ​ഷ​ന്‍ ജി​ല്ല ഭാ​ര​വാ​ഹി​ക​ള്‍ വാ​ര്‍ത്ത​സ​മ്മേ​ള​ന​ത്തി​ല്‍ അ​റി​യി​ച്ചു. നി​ല​വി​ല്‍ വ​ള​ത്തി​​െൻറ എം.​ആ​ര്‍.​പി​യേ​ക്കാ​ള്‍ കൂ​ടു​ത​ല്‍ ചെ​ല​വാ​ണ് അ​ത് ഗോ​ഡൗ​ണു​ക​ളി​ല്‍ ഇ​റ​ക്കു​മ്പോ​ൾ വ​രു​ന്ന​ത്. മു​മ്പ് വ​ളം വി​ല്‍പ​ന ന​ട​ത്തു​മ്പോ​ള്‍ ഗോ​ഡൗ​ണു​ക​ളി​ലെ​ത്തി​ക്കു​ന്ന​തി​​െൻറ​യു​ള്‍പ്പെ​ടെ ചെ​ല​വ് ക​ണ​ക്കാ​ക്കി​യാ​ണ് കൃ​ഷി​ക്കാ​രി​ല്‍നി​ന്ന്​ വി​ല​യീ​ടാ​ക്കാ​റു​ള്ള​ത്. ഇ​പ്പോ​ഴ​ത്തെ സാ​ഹ​ച​ര്യ​ത്തി​ല്‍ എം.​ആ​ര്‍.​പി​യി​ലു​ള്ള വി​ല ത​ന്നെ ക​ര്‍ഷ​ക​രി​ല്‍നി​ന്ന്​ വാ​ങ്ങ​ണ​മെ​ന്ന നി​ബ​ന്ധ​ന​യു​ണ്ട്. ഓ​രോ വ​ര്‍ഷ​വും വ​ർ​ധി​ച്ചു​വ​രു​ന്ന ചെ​ല​വു​ക​ള്‍, ക​യ​റ്റു​കൂ​ലി, ഇ​റ​ക്കൂ​കൂ​ലി, വ​ണ്ടി​വാ​ട​ക, തൂ​ക്ക​ക്കു​റ​വ്, ലൈ​സ​ന്‍സ് സ​മ്പ്ര​ദാ​യ​ത്തി​ല്‍ വ​രു​ന്ന വ​ർ​ധി​ച്ച ​െച​ല​വു​ക​ള്‍, ക​ട​വാ​ട​ക, ജോ​ലി​ക്കാ​രു​ടെ ശ​മ്പ​ളം, ക​റ​ൻ​റ്​ ബി​ല്‍, ഡി.​ബി.​ടി സ​മ്പ്ര​ദാ​യ​ത്തി​ല്‍ വ​രു​ന്ന ചെ​ല​വു​ക​ള്‍, ബാ​ങ്ക് ചാ​ര്‍ജു​ക​ള്‍ തു​ട​ങ്ങി​യ​വ​യു​ള്‍പ്പെ​ടെ വ​ളം വ്യാ​പാ​രി​ക​ള്‍ക്ക് വ​ന്‍ സാ​മ്പ​ത്തി​ക ബാ​ധ്യ​ത​യാ​ണു​ണ്ടാ​കു​ന്ന​ത്. എ​ന്നാ​ല്‍, ഇ​ത് മ​ന​സ്സി​ലാ​ക്കി വ​ളം ഉ​ൽ​പാ​ദി​പ്പി​ക്കു​ന്ന ക​മ്പ​നി​ക​ളു​ടെ ഭാ​ഗ​ത്തു​നി​ന്ന് വേ​ണ്ട​ത്ര സ​ഹ​ക​ര​ണ​മോ പ്രോ​ത്സാ​ഹ​ന​മോ ല​ഭി​ക്കു​ന്നി​ല്ല. ജി​ല്ല​യി​ല്‍ 125 പ്രൈ​വ​റ്റ് ഡീ​ല​ര്‍മാ​രാ​ണു​ള്ള​ത്. സ​ഹ​ക​ര​ണ മേ​ഖ​ല​യേ​ക്കാ​ള്‍ ക​മ്പ​നി​ക​ളു​ടെ നി​ബ​ന്ധ​ന​ക​ള്‍ക്കും ക​ര്‍ഷ​ക​രു​ടെ താ​ൽ​പ​ര്യ​ത്തി​നു​മ​നു​സ​രി​ച്ച് സ​മ​യ പ​രി​ധി​യി​ല്ലാ​തെ വ്യാ​പാ​രി​ക​ള്‍ വ​ളം വി​ത​ര​ണം ചെ​യ്തി​ട്ടു​ണ്ടെ​ന്നും ഭാ​ര​വാ​ഹി​ക​ള്‍ പ​റ​ഞ്ഞു. വാ​ര്‍ത്ത​സ​മ്മേ​ള​ന​ത്തി​ല്‍ സു​രേ​ഷ്‌ കു​റു​പ്പ്, ടി.​കെ. വി​ജ​യ​ന്‍, പി. ​ജ​യ​പ്ര​കാ​ശ് എ​ന്നി​വ​ര്‍ സം​ബ​ന്ധി​ച്ചു.