കാർ വൈദ്യുതി തൂണിലിടിച്ചു

പെരിങ്ങത്തൂർ: പള്ളിക്കുനിക്കടുത്ത് കാർ വൈദ്യുതി തൂണിലിടിച്ച് ഭാഗികമായി തകർന്നു. ഡ്രൈവർ ഉറങ്ങിപ്പോയതാണ് അപകടകാരണം. പള്ളിക്കുനിയിലെ കെ.പി. രാജൻ, ഭാര്യ തിലകം എന്നിവർ സഞ്ചരിച്ച കാറാണ് അപകടത്തിൽപെട്ടത്. ഞായറാഴ്ച പുലർച്ചെ അഞ്ചുമണിക്കായിരുന്നു അപകടം. തിലകത്തിന് പരിക്കേറ്റു. ഇവരെ ചൊക്ലി മെഡിക്കൽ സ​െൻററിൽ പ്രവേശിപ്പിച്ചു. പേരാമ്പ്രയിൽ മരണവീട് സന്ദർശിച്ച് മടങ്ങുന്നതിനിടെയാണ് അപകടം.