പാകിസ്​താനിൽ സ്​ഫോടനം; നാലു മരണം

പാകിസ്താനിൽ സ്ഫോടനം; നാലു മരണം കറാച്ചി: പാകിസ്താനിലെ കലുഷിതമായ ബലൂചിസ്താൻ പ്രവിശ്യയിൽ സ്ഫോടനത്തിൽ നാലു മരണം. പാക്–ഇറാൻ അതിർത്തിയിലെ പഞ്ച്ഗൂർ പ്രദേശത്തുണ്ടായ സ്ഫോടനത്തിൽ അഞ്ചു പേർക്ക് പരിക്കേറ്റു. ഇതിൽ മൂന്നു പേർ ആട്ടിടയന്മാരാണ്. പരിക്കേറ്റവരിൽ മൂന്നു പേരെ ക്വറ്റ ആശുപത്രിയിൽ പ്രവേശിപ്പിച്ചു. റോഡരികിലാണ് വൻ ശബ്ദത്തിൽ പൊട്ടിത്തെറിയുണ്ടായതെന്ന് പഞ്ച്ഗൂർ ഡെപ്യൂട്ടി പൊലീസ് കമീഷണർ അബ്ദുൽ ജബ്ബാർ പറഞ്ഞു. ഇതേതുടർന്ന് ഇറാൻ സൈന്യം വെടിവെച്ചതായി റിപ്പോർട്ടുണ്ട്. സ്ഫോടനത്തി​െൻറ ഉത്തരവാദിത്തം ആരും ഏറ്റെടുത്തിട്ടില്ല.