ബസിൽ മോഷണം: യുവാവ്​ പിടിയിൽ

കണ്ണൂർ: ബസിൽ യാത്രക്കാര​െൻറ പണമടങ്ങിയ പഴ്സ് മോഷ്ടിച്ച യുവാവിനെ നാട്ടുകാരും പൊലീസും ചേർന്ന് പിടികൂടി. ഇരിക്കൂർ പെരുവളത്ത്പറമ്പിലെ ജാഫറിനെയാണ് (29) പൊലീസ് അറസ്റ്റ് ചെയ്തത്. യു.പി അലഹബാദ് സ്വദേശി അനുരാഗ് കുമാർ തിവാരിയുടെ 9,000 രൂപയടങ്ങിയ പഴ്സാണ് ബസ് യാത്രക്കിടെ മോഷ്ടിച്ചത്. ഇത് ശ്രദ്ധയിൽപെട്ട തിവാരി ജാഫറിൽനിന്ന് പഴ്സ് പിടിച്ചുവാങ്ങുന്നതിനിടെ ഉന്തും തള്ളുമാവുകയും എ.കെ.ജി ആശുപത്രി സ്റ്റോപ്പിൽ ബസ് നിർത്തിയപ്പോൾ ജാഫർ ഇറങ്ങിയോടുകയുമായിരുന്നു. സംഭവം ശ്രദ്ധയിൽപെട്ട ട്രാഫിക് ഡ്യൂട്ടിയിലുണ്ടായിരുന്ന പൊലീസും നാട്ടുകാരും പിന്തുടർന്ന് ഇയാളെ പിടികൂടുകയായിരുന്നു.