എസ്​.എഫ്​.​െഎ മാർച്ച്​

മാഹി: വിദ്യാഭ്യാസമേഖലയിലെ വിവിധ പ്രശ്നങ്ങൾ പരിഹരിക്കണമെന്നാവശ്യപ്പെട്ട് മാഹി എസ്.എഫ്.ഐ ലോക്കൽ കമ്മിറ്റി സി.ഇ.ഒ ഓഫിസ് മാർച്ച് നടത്തി. സ്കൂൾ യൂനിഫോം ഉടൻ വിതരണംചെയ്യുക, മതിയായ അധ്യാപകരെ ഉടൻ നിയമിക്കുക, ഉച്ചഭക്ഷണവിതരണത്തിലെ അപാകതകൾ പരിഹരിക്കുകയും മെനു പരിഷ്കരിക്കുകയും ചെയ്യുക തുടങ്ങിയ ആവശ്യങ്ങൾ ഉന്നയിച്ച് നിവേദനവും നൽകി. ജില്ല കമ്മിറ്റി അംഗം സുർജിത്ത് ഉദ്ഘാടനംചെയ്തു. കൃഷ്ണപ്രസാദ്, നിസാം, പ്രിയേഷ് എന്നിവർ സംസാരിച്ചു.