നവജ്യോതി കോളജിലേക്ക് എസ്.എഫ്.ഐ മാര്‍ച്ച്

ചെറുപുഴ: സംഘടനാസ്വാതന്ത്ര്യം അനുവദിക്കണമെന്നാവശ്യപ്പെട്ട് എസ്.എഫ്.ഐ പെരിങ്ങോം ഏരിയ കമ്മിറ്റി നേതൃത്വത്തില്‍ കന്നിക്കളം നവജ്യോതി കോളജിലേക്ക് മാര്‍ച്ച് നടത്തി. എം. അഖില്‍, കെ.പി. വിഷ്ണുപ്രസാദ്, സേവ്യര്‍ പോള്‍, സി.പി. റാംഷാ എന്നിവര്‍ നേതൃത്വം നല്‍കി. സംസ്ഥാന കമ്മിറ്റി അംഗം ടി. ആതിര ഉദ്ഘാടനം ചെയ്തു. കോളജ് ഗേറ്റിനുമുന്നില്‍ സമരക്കാരെ പൊലീസ് തടഞ്ഞു. തുടർന്ന് പ്രവര്‍ത്തകര്‍ ചെറുപുഴ ടൗണിലേക്ക് പ്രകടനം നടത്തി.