കലക്ടറേറ്റ് മാർച്ചിനിടെ സംഘർഷം: യുവമോർച്ച പ്രവർത്തകൻ അറസ്​റ്റിൽ

കണ്ണൂര്‍: കലക്ടറേറ്റ് മാര്‍ച്ചിനിടെ സംഘര്‍ഷമുണ്ടാക്കുകയും ഗേറ്റ് തകര്‍ക്കുകയും ചെയ്‌തെന്ന കേസില്‍ യുവമോര്‍ച്ച പ്രവര്‍ത്തകന്‍ അറസ്റ്റിൽ. കുറുവ വായനശാലക്ക് സമീപത്തെ പുഴിപ്പള്ളി ഹൗസിൽ പി.കെ. രജീഷിനെയാണ് (37) കണ്ണൂര്‍ ടൗണ്‍ െപാലീസ് അറസ്റ്റ് ചെയ്തത്. പൊതുമുതല്‍ നശിപ്പിക്കല്‍ നിരോധന നിയമപ്രകാരമാണ് കേസ്. നഴ്‌സുമാരുടെ സമരത്തിന് അനുഭാവംപ്രകടിപ്പിച്ച് യുവമോര്‍ച്ച ജില്ല കമ്മിറ്റി നേതൃത്വത്തിൽ ബുധനാഴ്ച കലക്ടറേറ്റ് മാര്‍ച്ച് നടത്തിയിരുന്നു. ഇതിനിടയിലാണ് സംഘര്‍ഷവും അക്രമവുമുണ്ടായത്. സംഭവത്തിൽ മുപ്പതോളം പേർക്കെതിരെയാണ് കേസ്.