ചാന്ദ്രദിനാചരണവും ചിത്രപ്രദർശനവും

കല്യാശ്ശേരി: ഗവ. വൊക്കേഷനൻ ഹയർസെക്കൻഡറി എൻ.എസ്.എസ് ചാന്ദ്രദിനത്തോടനുബന്ധിച്ച് ചിത്രപ്രദർശനവും പോസ്റ്റർരചനാ മത്സരവും സംഘടിപ്പിച്ചു. ഇന്ത്യൻ ബഹിരാകാശചരിത്രവും ലോക ബഹിരാകാശ ചരിത്രവും അനാവരണം ചെയ്യുന്ന നൂറോളം ചിത്രങ്ങളുടെ പ്രദർശനോദ്ഘാടനം കല്യാശ്ശേരി ഗ്രാമപഞ്ചായത്ത് പ്രസിഡൻറ് ഇ.പി. ഓമന നിർവഹിച്ചു. ഇന്ത്യൻ ബഹിരാകാശ ചരിത്രവുമായി ബന്ധപ്പെട്ട ക്വിസ് മത്സരവും സംഘടിപ്പിച്ചു. ബഹിരാകാശ വിജ്ഞാനസദസ്സിന് കെ.പി. പ്രദീപ്കുമാർ നേതൃത്വം നൽകി. പ്രിൻസിപ്പൽ കെ.സി. സിജു, എൻ.എസ്.എസ് പ്രോഗ്രാം ഓഫിസർ ടി.പി. റഹീം, പ്രധാനാധ്യാപിക സി.വി. ജ്യോത്സ്ന, പി. ശ്യാംജിത്ത്, ഫിസിക്കൽ എജുക്കേഷൻ അധ്യാപകൻ പി. ശ്രീനിവാസൻ എന്നിവർ സംസാരിച്ചു.