ഇമ്പിച്ചിബാവ ഭവനനിര്‍മാണ പദ്ധതിയിലേക്ക് അപേക്ഷിക്കാം

കണ്ണൂർ: മുസ്ലിം, ക്രിസ്ത്യന്‍, ബുദ്ധ, സിഖ്, പാഴ്‌സി, ജൈനര്‍ എന്നീ ന്യൂനപക്ഷ മതവിഭാഗത്തിൽപെടുന്ന വിധവകള്‍, വിവാഹബന്ധം വേര്‍പെട്ടവർ, ഉപേക്ഷിക്കപ്പെട്ടവര്‍ എന്നിവര്‍ക്ക് ഇമ്പിച്ചിബാവ ഭവനനിര്‍മാണപദ്ധതിയില്‍ ന്യൂനപക്ഷക്ഷേമവകുപ്പ് ധനസഹായം നല്‍കുന്നു. ഒരു വീടിന് രണ്ടരലക്ഷം രൂപ ലഭിക്കും. ഇത് തിരിച്ചടക്കേണ്ടതില്ല. അപേക്ഷകയുടെ സ്വന്തമായോ അല്ലെങ്കിൽ പങ്കാളിയുടെ പേരിലോ രണ്ട് സ​െൻറ് സ്ഥലം ഉണ്ടായിരിക്കണം. അപേക്ഷക കുടുംബത്തിലെ ഏക വരുമാനദായകയായിരിക്കണം. ബി.പി.എല്‍ കുടുംബം, അപേക്ഷകക്കോ അവരുടെ മക്കള്‍ക്കോ ശാരീരിക-മാനസിക വെല്ലുവിളി നേരിടുന്നവർ, പെണ്‍കുട്ടികള്‍ മാത്രമുള്ള അപേക്ഷക എന്നിവര്‍ക്ക് മുന്‍ഗണന ലഭിക്കും. മുമ്പ് ഭവനനിര്‍മാണത്തിന് സഹായം ലഭിച്ചവര്‍ വീണ്ടും അപേക്ഷിക്കേണ്ടതില്ല. വകുപ്പി​െൻറ പ്രത്യേകഫോറത്തിലാണ് അപേക്ഷിക്കേണ്ടത്. നികുതി രസീത്, റേഷന്‍കാര്‍ഡി​െൻറ പകര്‍പ്പ്, സ്ഥിരതാമസ സര്‍ട്ടിഫിക്കറ്റ് തുടങ്ങിയവസഹിതം ജില്ല കലക്ടർ, കണ്ണൂര്‍ എന്ന വിലാസത്തില്‍ തപാല്‍വഴിയും അപേക്ഷിക്കാം. അപേക്ഷാഫോറം കലക്ടറേറ്റില്‍നിന്ന് ലഭിക്കും. അവസാനതീയതി ജൂലൈ 31.