കനത്ത മഴയിൽ മലയോരത്ത് വ്യാപക നാശനഷ്​ടം

കേളകം: . രണ്ടുദിവസമായി മലയോരത്തുപെയ്യുന്ന കനത്ത മഴയിൽ വീടുകളും കെട്ടിടങ്ങളും റോഡുകളും തകർന്നു. വെള്ളർവള്ളി-വായന്നൂർ റോഡിൽ മഴവെള്ളം കുത്തിയൊലിച്ചു റോഡിൽ വൻഗർത്തം രൂപപ്പെട്ടു. കാറ്റിൽ അടക്കാത്തോട് കരിയംകാപ്പിലെ കട്ടുവാക്കുഴി ജോയിയുടെ വീടിനു മുകളിൽ തെങ്ങു പൊട്ടിവീണു. കണിച്ചാർ കുണ്ടേരിയിലെ വിലങ്ങുപ്പാറ ഷിജോയുടെ വീടിനു മുകളിൽ മരംവീണു. മഴ ശക്തമായതോടെ പുഴകളും തോടുകളും നിറഞ്ഞു കവിഞ്ഞൊഴുകുകയാണ്.