സംഘാടകസമിതി ഓഫിസ്

കൂത്തുപറമ്പ്: കേരള സംഗീത നാടക അക്കാദമിയുടെ നേതൃത്വത്തിൽ ഈമാസം 28 മുതൽ കൂത്തുപറമ്പിൽ നടക്കുന്ന കഥാപ്രസംഗ ശിൽപശാലയുടെ ഭാഗമായി സംഘാടക സമിതി ഓഫിസ് പ്രവർത്തനമാരംഭിച്ചു. പത്തലായി കുഞ്ഞിക്കണ്ണൻ ഹാളിൽ ആരംഭിച്ച ഓഫിസ് ഡോ. ജെയിംസ് പോൾ ഉദ്ഘാടനംചെയ്തു. എൻ.കെ. ശ്രീനിവാസൻ അധ്യക്ഷത വഹിച്ചു. കൂത്തുപറമ്പ് നഗരസഭ ചെയർമാൻ എം. സുകുമാരൻ, പി.വി. ബാലകൃഷ്ണൻ, എം.കെ. വിനോദ്, വി.കെ. കുഞ്ഞികൃഷ്ണൻ തുടങ്ങിയവർ സംസാരിച്ചു. മൂന്ന് ദിവസങ്ങളിലായി നടക്കുന്ന ശിൽപശാലയിൽ നിരവധി കാഥികർ പങ്കെടുക്കും.