വെൽഫെയർ പാർട്ടി ജനമുന്നേറ്റ റാലി 20ന്

കാസർകോട്: രാജ്യത്തെ മുസ്‌ലിം-ദലിത് കൊലകളിൽ പ്രതിഷേധിച്ച് വെൽഫെയർ പാർട്ടി ദേശീയ തലത്തിൽ നടത്തുന്ന ജനാധിപത്യ കാമ്പയി​െൻറ ഭാഗമായി ജൂലൈ 20ന് കാസർകോട് ജനമുന്നേറ്റ റാലിയും പൊതുസമ്മേളനവും സംഘടിപ്പിക്കാ൯ ജില്ല കമ്മിറ്റി തീരുമാനിച്ചു. സംസ്ഥാന പ്രസിഡൻറ് ഹമീദ് വാണിയമ്പലം ഉദ്ഘാടനംചെയ്യും. ജില്ല കമ്മിറ്റിയോഗം സംസ്ഥാന എക്സിക്യൂട്ടിവ് കമ്മിറ്റി അംഗം സജീദ് ഖാലിദ് ഉദ്ഘാടനംചെയ്തു. ജില്ല പ്രസിഡൻറ് സി.എച്ച്. മുത്തലിബ് അധ്യക്ഷതവഹിച്ചു. സി.എച്ച്. ബാലകൃഷ്ണൻ, ഹമീദ് കക്കണ്ടം, കെ. രാമകൃഷ്ണൻ, സഫിയ സമീർ, പി.കെ. അബ്ദുല്ല, ഫെലിക്സ് ഡിസൂസ, മഹ്മൂദ് പള്ളിപ്പുഴ, മുഹമ്മദ് വടക്കേക്കര എന്നിവർ സംസാരിച്ചു.