ചർച്ച പരാജയം: നാല്​ ആശുപത്രികളിലേക്കുകൂടി നഴ്​സുമാരു​െട സമരം വ്യാപിപ്പിക്കുന്നു

കണ്ണൂർ: മിനിമം വേതനമാവശ്യപ്പെട്ട് കണ്ണൂർ ജില്ലയിലെ നഴ്സുമാരുടെ സമരം 13ാം ദിവസത്തിലേക്ക്. തിങ്കളാഴ്ച തിരുവനന്തപുരത്ത് നടന്ന ചർച്ച പരാജയപ്പെട്ടതോടെയാണ് സമരം തുടരാൻ ഇന്ത്യൻ നഴ്സസ് അസോസിയേഷൻ തീരുമാനിച്ചത്. സമരം തുടരുന്ന കണ്ണൂർ ധനലക്ഷ്മി, ആശിർവാദ്, കൊയിലി, താണ സ്പെഷാലിറ്റി, തളിപ്പറമ്പ് ലൂർദ് എന്നീ ആശുപത്രികളോടൊപ്പം തിങ്കളാഴ്ച ജില്ലയിലെ മറ്റു നാലു ആശുപത്രികളിൽകൂടി സമരം തുടങ്ങും. പയ്യന്നൂരിലെ സബ, അനാമിക, കണ്ണൂരിലെ അശോക, കിംസ്റ്റ് എന്നീ ആശുപത്രികളിലാണ് ചൊവ്വാഴ്ച സമരം തുടങ്ങുക. ഇതോടെ ഒമ്പത് ആശുപത്രികൾക്കു മുന്നിലാണ് നഴ്സുമാരുടെ സമരം നടക്കുക. പ്രക്ഷോഭം ശക്തിപ്പെടുത്തുന്നതി​െൻറ ഭാഗമായി ബഹുജനങ്ങളെ പെങ്കടുപ്പിച്ച് കലക്ടറേറ്റ് മാർച്ച് നടത്തുമെന്ന് ഇന്ത്യൻ നഴ്സസ് അസോസിയേഷൻ നേതാക്കൾ അറിയിച്ചു.