താലൂക്ക് ഓഫിസ് മാർച്ച്

വെള്ളരിക്കുണ്ട്: അത്തിയടുക്കം കുടിയിറക്ക് ഭീഷണി നേരിടുന്ന കർഷകരുടെ ഭൂപ്രശ്നം പരിഹരിക്കണമെന്നാവശ്യപ്പെട്ട് കുടിയിറക്ക് വിരുദ്ധ സമരസമിതി വെള്ളരിക്കുണ്ട് താലൂക്ക് ഓഫിസിലേക്ക് മാർച്ച് നടത്തി. മാർച്ച് ഓഫിസിനുമുന്നിൽ പൊലീസ് തടഞ്ഞു. തുടർന്ന് പൊതുയോഗം ബ്ലോക്ക് പഞ്ചായത്ത് മെംബർ പി.ജി. ദേവ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡൻറ് രാജു കട്ടക്കയം അധ്യക്ഷത വഹിച്ചു. മിനിമോൾ മാത്യു, പി.എ. പൗരൻ, ബോണി പുല്ലാട്ട്, സണ്ണി പൈകട, കഞ്ഞിക്കണ്ണൻ നായർ, കെ.വി. കൃഷ്ണൻ, എ.എൻ. മാത്യു എന്നിവർ സംസാരിച്ചു.