പൊയ്യമല കരിങ്കൽ ക്വാറിയിലേക്ക് ആക്​ഷൻ കമ്മിറ്റി മാർച്ച്​

കേളകം: പൊയ്യമലയിൽ പ്രവർത്തിക്കുന്ന കരിങ്കൽ ക്വാറിയിലേക്ക് ക്വാറിവിരുദ്ധ ആക്ഷൻ കമ്മിറ്റിയുടെ നേതൃത്വത്തിൽ പ്രദേശവാസികൾ മാർച്ചും ധർണയും നടത്തി. നിയമവിരുദ്ധമായി പ്രർത്തിക്കുന്ന ക്വാറി അടച്ചുപൂട്ടുക, ജനങ്ങളുടെ ജീവനും സ്വത്തിനും വിലകൽപിക്കുക തുടങ്ങിയ മുദ്രാവാക്യങ്ങൾ ഉയർത്തിയായിരുന്നു പ്രതിഷേധ പ്രകടനം. തുടർന്ന് നടന്ന ധർണയിൽ ആക്ഷൻ കമ്മിറ്റി ഭാരവാഹികളായ അഷറഫ് കുഴിക്കരിക്കാട്ടിൽ, ജോയി വെട്ടുപറമ്പിൽ, ജോസ് വയലിൽ എന്നിവർ സംസാരിച്ചു. വരും ദിവസങ്ങളിൽ പ്രക്ഷോഭം ശക്തമാക്കുമെന്ന് സമരസമിതി നേതാക്കൾ പറഞ്ഞു.