ടി.കെ.കെ സ്മാരക പുരസ്‌കാരം ഡോ. പി.വി. കൃഷ്ണൻ നായര്‍ക്ക്

കാഞ്ഞങ്ങാട്: മാധ്യമപ്രവര്‍ത്തകനും കാഞ്ഞങ്ങാടി​െൻറ രാഷ്ട്രീയ, സാമൂഹിക രംഗങ്ങളില്‍ നിറസാന്നിധ്യവുമായിരുന്ന ടി.കെ.കെ. നായരുടെ സ്മരണക്കായി ടി.കെ.കെ ഫൗണ്ടേഷന്‍ ഏര്‍പ്പെടുത്തിയ 11-ാമത് പുരസ്‌കാരം കേരള സാഹിത്യ അക്കാദമിയുടെയും സംഗീത നാടക അക്കാദമിയുടെയും സെക്രട്ടറിയായിരുന്ന പെരിയയിലെ ഡോ. പി.വി. കൃഷ്ണൻ നായര്‍ക്ക്. ജൂലൈ 10ന് കാഞ്ഞങ്ങാട് വ്യാപാരഭവനില്‍ നടക്കുന്ന ചടങ്ങില്‍ മന്ത്രി ഇ. ചന്ദ്രശേഖരന്‍ പുരസ്‌കാരം സമര്‍പ്പിക്കും. ടി.കെ.കെ. ഫൗണ്ടേഷന്‍ ചെയര്‍മാന്‍ അഡ്വ. സി.കെ. ശ്രീധരൻ, ട്രഷറര്‍ എ.വി. രാമകൃഷ്ണൻ, സെക്രട്ടറി ടി. മുഹമ്മദ് അസ്ലം എന്നിവര്‍ വാര്‍ത്തസമ്മേളനത്തില്‍ സംബന്ധിച്ചു.