വധശ്രമം: എസ്​.ഡി.പി.​െഎ പ്രവർത്തകർ അറസ്​റ്റിൽ

കണ്ണൂർ: ബി.ജെ.പി നേതാവ് എടച്ചേരി ശിവം ഹൗസിൽ സുശീൽകുമാറിനെ വധിക്കാൻ ശ്രമിച്ച കേസിൽ രണ്ട് എസ്.ഡി.പി.െഎ പ്രവർത്തകർകൂടി അറസ്റ്റിൽ. ചാലാട് സ്വദേശികളാണ് പിടിയിലായത്. ഇവരെ കോടതി റിമാൻഡ് ചെയ്തു. ചാലാട് കെ.വി റോഡിലെ ഷംസിയാസിൽ പി.പി. ഹൻഷാദ്, ജയന്തി റോഡിലെ റസിയാസിൽ പി. മുഹമ്മദ് തമീം എന്നിവരെയാണ് ടൗൺ സി.െഎ പി.വി. രത്നകുമാർ അറസ്റ്റ് ചെയ്തത്. കേസിൽ നേരത്തെ ആറ് എസ്.ഡി.പി.െഎ പ്രവർത്തകരെ പൊലീസ് അറസ്റ്റ് ചെയ്തിരുന്നു. ചൊവ്വാഴ്ച രണ്ടുപേർകൂടി അറസ്റ്റിലായതോടെ ഇൗ കേസിൽ അറസ്റ്റിലായവരുടെ എണ്ണം എട്ടായി.