Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightആ​േരാഗ്യമന്ത്രിയുടെ...

ആ​േരാഗ്യമന്ത്രിയുടെ രാജി ആവശ്യപ്പെട്ട്​ ബി.ജെ.പി ധർണ

text_fields
bookmark_border
കണ്ണൂർ: പകര്‍ച്ചപ്പനി നിയന്ത്രിക്കാന്‍ ആവശ്യമായ നടപടികളെടുക്കുന്നതില്‍ പരാജയപ്പെട്ട ആരോഗ്യമന്ത്രി കെ.കെ. ശൈലജ രാജിെവക്കണെമന്നാവശ്യപ്പെട്ട് ബി.ജെ.പി ജില്ല കമ്മിറ്റിയുടെ നേതൃത്വത്തിൽ ഡി.എം.ഒ ഓഫിസ് മാർച്ചും ധർണയും നടത്തി. സംസ്ഥാന സെക്രട്ടറി അഡ്വ. ബി. ഗോപാലകൃഷ്ണൻ ഉദ്ഘാടനംചെയ്തു. പനി ബാധിച്ച സർക്കാറാണ് കേരളം ഭരിച്ചുകൊണ്ടിരിക്കുന്നതെന്ന് അദ്ദേഹം കുറ്റപ്പെടുത്തി. ആരെയും നിയന്ത്രിക്കാൻ കഴിയാത്ത സർക്കാറിന് കൊതുകുകളെയും നിയന്ത്രിക്കാനാവുന്നില്ല. കേരളത്തിൽ സ്വച്ഛ്ഭാരത് നടപ്പാക്കിയിരുന്നെങ്കിൽ ഇത്രയധികം പേർ കൊതുകുകടിയേറ്റ് മരിക്കില്ലായിരുന്നുവെന്നും ഗോപാലകൃഷ്ണൻ കൂട്ടിച്ചേർത്തു. ജില്ല പ്രസിഡൻറ് പി. സത്യപ്രകാശ് അധ്യക്ഷതവഹിച്ചു. കെ. രഞ്ജിത്ത്, വർക്കി വട്ടപ്പാറ, മോഹനൻ കുഞ്ഞിമംഗലം, പി.കെ. വേലായുധൻ, കെ. രാധാകൃഷ്ണൻ, വിജയൻ വട്ടിപ്രം, എ.ഒ. രാമചന്ദ്രൻ, എ.പി. ഗംഗാധരൻ എന്നിവർ സംസാരിച്ചു.
Show Full Article
TAGS:LOCAL NEWS 
Next Story