Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightനടീൽ ഉത്സവം നടത്തി

നടീൽ ഉത്സവം നടത്തി

text_fields
bookmark_border
കാസർകോട്: പുല്ലൂർ-പെരിയ ഗ്രാമപഞ്ചായത്തിലെ കുണിയ പാടശേഖരത്തിൽ 15 ഏക്കർ തരിശുഭൂമിയിലെ നെൽകൃഷിയുടെ നടീൽ ഉത്സവം ഉദുമ എം.എൽ.എ കെ. കുഞ്ഞിരാമൻ, ജില്ല പഞ്ചായത്ത് പ്രസിഡൻറ് എ.ജി.സി. ബഷീർ എന്നിവർ ഉദ്ഘാടനം ചെയ്തു. പെരിയ കാർഷിക സേവനകേന്ദ്രത്തി​െൻറ നടീൽയന്ത്രത്തിനൊപ്പം തൊഴിലാളികളെയും ഉപയോഗിച്ചാണ് വയൽ കൃഷിയോഗ്യമാക്കുന്നത്. പഞ്ചായത്ത് പ്രസിഡൻറ് ശാരദ എസ്. നായർ അധ്യക്ഷത വഹിച്ചു. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡൻറ് എം. ഗൗരി വിള ഇൻഷുറൻസ് പ്രീമിയം സ്വീകരിക്കൽ ഉദ്ഘാടനം ചെയ്തു. നാട്ടിപ്പാട്ട്, നാടൻപാട്ട്, ചെളിക്കണ്ടത്തിലെ ഫുട്ബാൾ, വടംവലി എന്നിവയുമുണ്ടായിരുന്നു. കുണിയയിലെ സ്കൂൾ വിദ്യാർഥികൾ, ഉദുമ ഗവ. കോളജിലെ എൻ.എസ്.എസ് യൂനിറ്റ്, വിവിധ കർഷകക്കൂട്ടായ്മകളിലെ അംഗങ്ങൾ, നാടി​െൻറ നാനാഭാഗത്തുനിന്നുള്ള കർഷകർ തുടങ്ങിയവർ പങ്കെടുത്തു. കൃഷി ഓഫിസർ സി. പ്രമോദ്കുമാർ സ്വാഗതവും അസി. കൃഷി ഓഫിസർ ടി.എ. ഉമാദേവി നന്ദിയും പറഞ്ഞു. കർഷകരായ മുഹമ്മദ് ചാലിങ്കാൽ, ആയമ്പാറയിലെ ജനാർദനൻ, നാരായണൻ, വേലായുധൻ എന്നിവർ ചേർന്നാണ് കൃഷി നടത്തുന്നത്.
Show Full Article
TAGS:LOCAL NEWS 
Next Story