കാലവർഷം: ഇതുവരെ ലഭിച്ചത്​ 956.7 മി.മീ. മഴ

കാസർകോട്: തെക്കുപടിഞ്ഞാറൻ കാലവർഷം ആരംഭിച്ചശേഷം ജില്ലയിൽ ഇതുവരെ 956.7 മി.മീ മഴ ലഭിച്ചു. കഴിഞ്ഞ 24 മണിക്കൂറിനുള്ളിൽ 21 മി.മീ. മഴ ലഭിച്ചു. 158 വീടുകൾ തകർന്നു. 44 വീടുകൾ പൂർണമായും 114 വീടുകൾ ഭാഗികമായും തകർന്നു. വീടുകൾ തകർന്നതിനാൽ ജില്ലയിൽ 31,53,905 രൂപയുടെ നാശനഷ്ടമുണ്ടായി. കഴിഞ്ഞ 24 മണിക്കൂറിനുള്ളിൽ നാല് വീടുകൾ പൂർണമായും രണ്ട് വീടുകൾ ഭാഗികമായും തകർന്നു. 4,10,000 രൂപയുടെ നഷ്ടമുണ്ടായി.