സ്വീകരണം നൽകും

കാസർകോട്: ട്രേഡ് യൂനിയൻ രംഗത്ത് മികച്ച സംഭാവനകൾ നൽകിയ എ.കെ. കുഞ്ഞാമു, പി. ഹസൈനാർ എന്നിവരുടെ അനുസ്മരണവും പുതുതായി തെരഞ്ഞെടുക്കപ്പെട്ട സംസ്ഥാന നേതാക്കൾക്കുള്ള സ്വീകരണവും ജൂലൈ 18ന് ഉച്ച രണ്ടിന് മുനിസിപ്പൽ കോൺഫറൻസ് ഹാളിൽ നടത്താൻ നിർമാണത്തൊഴിലാളി യൂനിയൻ (എസ്.ടി.യു) ജില്ല ഭാരവാഹികളുടെ യോഗം തീരുമാനിച്ചു. സംസ്ഥാന ട്രഷറർ ബി.കെ. അബ്ദുസ്സമദ് ഉദ്ഘാടനം ചെയ്തു. പ്രസിഡൻറ് ബി.പി. മുഹമ്മദ് അധ്യക്ഷത വഹിച്ചു. മൊയ്തീൻ കൊല്ലമ്പാടി, പി.ഐ.എ. ലത്തീഫ്, സി.എ. ഇബ്രാഹീം എതിർത്തോട്, യൂസഫ് പാച്ചാണി, ശാഫി പള്ളത്തടുക്ക എന്നിവർ സംസാരിച്ചു.