വായന വാരാഘോഷം

മുളിയാർ: കോട്ടൂർ കെ.എ.എൽ.പി സ്കൂളിൽ വായനവാരം ആഘോഷിച്ചു. അധ്യാപകരും കുട്ടികളും 150ഓളം പുസ്തകങ്ങൾ ലൈബ്രറിക്ക് നൽകി. വിദ്യാർഥികൾക്കായി വായന-ക്വിസ് മത്സരങ്ങൾ സംഘടിപ്പിച്ചു. കുട്ടികൾ തയാറാക്കിയ വായന ദിന പോസ്റ്റർ പ്രധാനാധ്യാപിക കെ.എം. സുകുമാരി പ്രകാശനം ചെയ്തു. മുളിയാർ പഞ്ചായത്ത് വൈസ് പ്രസിഡൻറ് ഗീത ഗോപാലൻ ഉദ്ഘാടനം ചെയ്തു. ഹമീദലി മത്സര വിജയികൾക്ക് സമ്മാനം നൽകി. സുബ്രഹ്മണ്യൻ മാസ്റ്റർ ക്ലാസെടുത്തു. അധ്യാപകരായ ബി. രാധ, കെ. വിമല, ജോമി കുര്യാക്കോസ്, കെ. സന്ധ്യ, ടി.എൽ. രശ്മി, ഉമറുൽ ഫാറൂഖ്, പി. സൗമ്യ, കെ. ആശ എന്നിവർ സംസാരിച്ചു.