ചെറുപുഴ പഞ്ചായത്തില്‍ ശുചീകരണം

ചെറുപുഴ: ചെറുപുഴ പഞ്ചായത്തില്‍ ശുചീകരണപ്രവൃത്തി പഞ്ചായത്ത് പ്രസിഡൻറ് ജമീല കോളയത്ത് ഉദ്ഘാടനംചെയ്തു. വൈസ് പ്രസിഡൻറ് വി. കൃഷ്ണന്‍ മാസ്റ്റര്‍ അധ്യക്ഷതവഹിച്ചു. സ്ഥിരംസമിതിയംഗം കൊച്ചുറാണി ജോര്‍ജ്, പഞ്ചായത്തംഗം ലളിത ബാബു, എം.വി. ശശി, ജെ. സെബാസ്റ്റ്യന്‍ എന്നിവര്‍ സംസാരിച്ചു. വ്യാപാരികൾ, തൊഴിലാളികള്‍, വിദ്യാർഥികൾ, ആരോഗ്യപ്രവര്‍ത്തകര്‍, ആശാ വര്‍ക്കര്‍മാർ, സന്നദ്ധസംഘടന പ്രതിനിധികള്‍ എന്നിവര്‍ പങ്കെടുത്തു. പഞ്ചായത്തിലെ വാര്‍ഡുകളില്‍ പഞ്ചായത്ത് അംഗങ്ങളുടെ നേതൃത്വത്തില്‍ ശുചീകരണം നടത്തി.