19 തടവുകാരെ വിട്ടയക്കാന്‍ ജയില്‍ അഡൈ്വസറി ബോര്‍ഡ് ശിപാര്‍ശ

കണ്ണൂര്‍: കണ്ണൂര്‍ സെന്‍ട്രല്‍ ജയിലില്‍നിന്ന് 19 തടവുകാരെ വിട്ടയക്കുന്നതിന് ശിപാര്‍ശചെയ്യാന്‍ കണ്ണൂര്‍ സെന്‍ട്രല്‍ ജയിലില്‍ ചേര്‍ന്ന ജയില്‍ അഡൈ്വസറി ബോര്‍ഡ് യോഗം തീരുമാനിച്ചു. ഒരു ജീവപര്യന്തം തടവുകാരന്‍ ഉള്‍പ്പെടെയാണിത്. ആറുമാസം കൂടുമ്പോഴാണ് അഡൈ്വസറി ബോര്‍ഡ് യോഗം ചേര്‍ന്ന് തീരുമാനമെടുക്കുക. ജില്ല ജഡ്ജി, ജയില്‍ എ.ഡി.ജി.പി ശിവദാസ് തൈപ്പറമ്പില്‍, കലക്ടര്‍ മിര്‍ മുഹമ്മദലി, എസ്.പി സഞ്ജയ്കുമാര്‍ ഗുരുഡിന്‍, ഉപദേശകസമിതി അംഗം പി. ജയരാജന്‍ തുടങ്ങിയവര്‍ യോഗത്തില്‍ പങ്കെടുത്തു.