സ്വയം തൊഴിൽ വായ്പക്ക് അപേക്ഷ ക്ഷണിച്ചു

കണ്ണൂർ: സംസ്ഥാന പട്ടികജാതി പട്ടികവർഗ വികസന കോർപറേഷൻ ദേശീയ പട്ടികജാതി ധനകാര്യ വികസന കോർപറേഷ​െൻറ സഹായത്തോടെ നടപ്പിലാക്കുന്ന 50,000 രൂപ പദ്ധതി തുകയുള്ള മൈേക്രാ െക്രഡിറ്റ് ഫിനാൻസ്, മഹിള സമൃദ്ധി യോജന എന്നീ പദ്ധതികൾക്ക് കീഴിൽ വായ്പ അനുവദിക്കുന്നതിനായി ജില്ലയിലെ പട്ടികജാതിയിൽപെട്ട തൊഴിൽരഹിതരായ യുവതീ യുവാക്കളിൽ നിന്നും അപേക്ഷ ക്ഷണിച്ചു. അപേക്ഷകർ തൊഴിൽരഹിതരും 18നും 50നും ഇടയിൽ പ്രായമുള്ളവരുമായിരിക്കണം. വാർഷിക വരുമാനം ഗ്രാമപ്രദേശങ്ങളിൽ 98,000 രൂപയിലും നഗരപ്രദേശങ്ങളിൽ 1,20,000 രൂപയിലും കവിയരുത്. മഹിള സമൃദ്ധി യോജന പദ്ധതിക്ക് കീഴിൽ മഹിളകൾ മാത്രമേ അപേക്ഷിക്കാവൂ. 50,000 രൂപക്കുള്ളിൽ വിജയ സാധ്യതയുള്ള ഏതൊരു സ്വയം തൊഴിൽ സംരംഭത്തിലും ഗുണഭോക്താവിന് ഏർപ്പെടാം. തെരഞ്ഞെടുക്കപ്പെടുന്നവർ ഈടായി കോർപറേഷ​െൻറ നിബന്ധനകൾക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ വസ്തു ജാമ്യമോ മറ്റ് അംഗീകൃത രേഖകളോ പ്രമാണങ്ങളോ ഹാജരാക്കണം. ഫോൺ: 0497 2705036. ............... .........