എസ്.വൈ.എസ് മഹല്ല് സംഗമം

പഴയങ്ങാടി: നിലനിൽക്കുന്ന കേന്ദ്രനിയമങ്ങൾക്കും ചട്ടങ്ങൾക്കും വിരുദ്ധമായി വഖഫ് നിയമനം പി.എസ്.സിക്ക് വിടാനുള്ള കേരള സർക്കാറി​െൻറ തീരുമാനം പ്രതിഷേധാർഹമാണെന്ന് മുസ്ലിം യൂത്ത്ലീഗ് സംസ്ഥാന പ്രസിഡൻറ് പാണക്കാട് മുനവ്വറലി ശിഹാബ് തങ്ങൾ പറഞ്ഞു. മാടായി മണ്ഡലം എസ്.വൈ.എസ് സംഘടിപ്പിച്ച മഹല്ല് സംഗമം ഉദ്ഘാടനംചെയ്യുകയായിരുന്നു അദ്ദേഹം. സഫ്വാൻ തങ്ങൾ ഏഴിമല അധ്യക്ഷതവഹിച്ചു. വഖഫ് ബോർഡ് മെംബർ അഡ്വ. പി.വി. സൈനുദ്ദീൻ മുഖ്യപ്രഭാഷണം നടത്തി. മുത്തലിബ് അസ്ലമി, സിറാജുദ്ദീൻ ദാരിമി കക്കാട്, എ.കെ. അബ്ദുൽ ബാഖി, എ.പി. ബദറുദ്ദീൻ, ഇ.വി. കരീം മൗലവി, എൻ.കെ. അബ്ദുല്ല ഹാജി, ടി.പി. അബ്ബാസ് ഹാജി, പി.എം. ഹനീഫ്, എം.വി. നജീബ്, ഹലിം മാട്ടൂൽ, അസ്ലം അറക്കൽ, വി.പി.പി. ഹമീദ്, ജലീൽ മുട്ടം, ബി. അഷ്റഫ്, കെ.കെ. ഇബ്രാഹിം ഹാജി എന്നിവർ സംസാരിച്ചു.