അനധികൃത കരിങ്കൽ ഖനനത്തിനെതിരെ നടപടി ​േവണം ^കോൺഗ്രസ്​

അനധികൃത കരിങ്കൽ ഖനനത്തിനെതിരെ നടപടി േവണം -കോൺഗ്രസ് ഇരിട്ടി: തില്ലങ്കേരി പെരിങ്ങാനം മലയിൽ നടക്കുന്ന അനധികൃത കരിങ്കൽ ഖനനത്തിനെതിരെ നടപടി സ്വീകരിക്കണമെന്ന് കോൺഗ്രസ് തില്ലങ്കേരി മണ്ഡലം കമ്മിറ്റി ആവശ്യപ്പെട്ടു. പഞ്ചായത്തിലെ വറ്റാത്ത നീരുറവയുള്ള മലമടക്കുകളിെല ഖനനംമൂലം സമീപപ്രദേശങ്ങളിലെ കിണറുകളിൽ വെള്ളം താഴ്ന്നിരിക്കുകയാണ്. ഖനനം മാധ്യമങ്ങളിൽ വാർത്തയായിട്ടും അധികൃതരുടെ മൗനം ദുരൂഹതയുണ്ടാക്കുന്നതാണെന്ന് കമ്മിറ്റി കുറ്റപ്പെടുത്തി. യോഗത്തിൽ മണ്ഡലം പ്രസിഡൻറ് പി.വി. സുരേന്ദ്രൻ അധ്യക്ഷത വഹിച്ചു. കെ.പി. പത്മനാഭൻ, ടി. കൃഷ്ണൻ, സി.വി. അപ്പു, യു.സി. നാരായണൻ, പി. ബിന്ദു, സി.പി. കമലാക്ഷി, അഭിലാഷ് എന്നിവർ സംസാരിച്ചു.