കോണ്‍ഗ്രസ് ജന്മദിനാഘോഷം: സാംസ്‌കാരിക ഘോഷയാത്ര 28ന്

കണ്ണൂര്‍: ഇന്ത്യന്‍ നാഷനല്‍ കോണ്‍ഗ്രസി​െൻറ 132-ാമത് ജന്മദിനം ജില്ല കോണ്‍ഗ്രസ് കമ്മിറ്റി വിപുലമായി ആഘോഷിക്കുെമന്ന് ഡി.സി.സി പ്രസിഡൻറ് സതീശൻ പാച്ചേനി വാർത്തസമ്മേളനത്തിൽ അറിയിച്ചു. പരിപാടിയുടെ ഭാഗമായി ഡിസംബർ 28ന് കണ്ണൂരിൽ സാംസ്കാരിക ഘോഷയാത്ര നടത്തും. വൈകീട്ട് മൂന്നിന് വിളക്കുംതറ മൈതാനിയില്‍നിന്ന് ജന്മദിന ഘോഷയാത്ര ആരംഭിക്കും. 132ാം ജന്മദിനം അറിയിച്ച് 132 കോണ്‍ഗ്രസ് പതാകയും പിടിച്ച് വനിതകള്‍ ഘോഷയാത്രക്ക് മാറ്റുകൂട്ടും. സ്റ്റേഡിയം കോര്‍ണറില്‍ സമാപന സമ്മേളനം മുന്‍ മഹാരാഷ്ട്ര ഗവര്‍ണര്‍ കെ. ശങ്കരനാരായണന്‍ ഉദ്ഘാടനം ചെയ്യും. അഡ്വ. മാര്‍ട്ടിന്‍ജോര്‍ജ്, വി.വി. പുരുഷോത്തമന്‍, മുഹമ്മദ് ബ്ലാത്തൂര്‍, ചന്ദ്രന്‍ തില്ലങ്കേരി എന്നിവരും വാർത്തസമ്മേളനത്തില്‍ പങ്കെടുത്തു.