മാധവൻ ഗുരുസ്വാമിയെ ആദരിക്കുന്നു

തളിപ്പറമ്പ്: തളിപ്പറമ്പ് കണികുന്ന് സോമേശ്വരത്തെ സി.എച്ച്. മാധവൻ ഗുരുസ്വാമിയെ ആദരിക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. 84കാരനായ മാധവൻ ഗുരുസ്വാമി 52 വർഷമായി ശബരിമല ദർശനം നടത്തിയിട്ടുണ്ട്. ഞായറാഴ്ച തളിപ്പറമ്പ് രാജരാജേശ്വര ക്ഷേത്ര സ്റ്റേജിൽ നടക്കുന്ന ചടങ്ങ് രാവിലെ 10.30-ന് മന്ത്രി രാമചന്ദ്രൻ കടന്നപ്പള്ളി ഉദ്ഘാടനംചെയ്യും. രാജരാജേശ്വര ക്ഷേത്രം തന്ത്രി ഇ.പി. കുബേരൻ നമ്പൂതിരി അനുഗ്രഹപ്രഭാഷണം നടത്തും. ഡോ. ആർ.സി. കരിപ്പത്ത് ഉപഹാരം സമ്മാനിക്കുമെന്ന് സ്‌നേഹാദരകമ്മിറ്റി ചെയർമാൻ ഇ.വി. ജയകൃഷ്ണൻ, കൺവീനർ രാഹുൽ ദാമോദരൻ, രാജീവൻ, കെ. സന്തോഷ്‌കുമാർ എന്നിവർ അറിയിച്ചു.