ഇൻറർ കോളജ് ഗെയിംസ് മീറ്റ്: കബഡിയിലും പ്രണവ് കോളജ്

കുമ്പള: കുമ്പളയിൽ മഹാത്മ കോളജി​െൻറ ആഭിമുഖ്യത്തിൽ സംഘടിപ്പിച്ചുവരുന്ന ഇൻറർ കോളജ് ഗെയിംസ് മീറ്റി​െൻറ ഭാഗമായി സംഘടിപ്പിച്ച കബഡി മത്സരത്തിലും കുമ്പള പ്രണവ് കോളജ് ജേതാക്കളായി. നേരത്തേ നടന്ന ക്രിക്കറ്റ് മത്സരത്തിലും പ്രണവ് കോളജ് വിജയിച്ചിരുന്നു. നിരവധി കോളജുകൾ അണിനിരന്ന ആവേശകരമായ മത്സരത്തിൽ ഇഞ്ചോടിഞ്ച് പോരടിച്ച് ആതിഥേയരായ മഹാത്മ കോളജ് ടീമിനെയാണ് പ്രണവ് കോളജ് പരാജയപ്പെടുത്തിയത്. നേരത്തേ മൊഗ്രാൽ സ്കൂൾ ഗ്രൗണ്ടിൽ നടന്ന ഫുട്ബാൾ മത്സരത്തിൽ വിവേകാനന്ദ കോളജ് കാസർകോട് ജേതാക്കളായിരുന്നു. ഗെയിംസ് മീറ്റി​െൻറ ഭാഗമായി സംഘടിപ്പിക്കുന്ന വോളിബാൾ, ഷട്ടിൽ ബാറ്റ്മിൻറൺ മത്സരങ്ങൾ മാത്രമാണ് ഇനി നടക്കാനുള്ളത്.