ബോട്ടണി കൂട്ടായ്മ 25ന്

മാഹി: മാഹി മഹാത്മാ ഗാന്ധി ഗവ. ആർട്സ് കോളജ് ബോട്ടണി ബിരുദ പൂർവവിദ്യാർഥി കൂട്ടായ്മ 25ന് നടത്തുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാവിലെ ഒമ്പതിന് മലയാളം വകുപ്പ് മുൻ മേധാവിയും കേരള സാഹിത്യ അക്കാദമി സെക്രട്ടറിയുമായ കെ.പി. മോഹനൻ ഉദ്ഘാടനംചെയ്യും. ഡോ. വി. രാമചന്ദ്രൻ എം.എൽ.എ മുഖ്യാതിഥിയാകും.1975-1984 കാല വിദ്യാർഥികളുടെ കൂട്ടായ്മയാണ് സംഘടിപ്പിക്കുന്നത്. ഗുരുവന്ദനം, അനുമോദനം, അനുസ്മരണം എന്നിവയും നടക്കും. വാർത്തസമ്മേളനത്തിൽ എം.എ. കൃഷ്ണൻ, കെ. അജിത്ത്കുമാർ, പി. കൃഷ്ണപ്രസാദ്, സി.ഇ.ഒ ഉത്തമരാജ് മാഹി, കെ. ചന്ദ്രൻ എന്നിവർ സംബന്ധിച്ചു.