ഐ.എസ് ബന്ധം: ഒരു പ്രതിയുടെ ജാമ്യാപേക്ഷ തള്ളി

തലശ്ശേരി: ഐ.എസ് ബന്ധത്തി​െൻറ പേരിൽ അറസ്റ്റിലായി റിമാൻഡിൽ കഴിയുന്ന പ്രതി നൽകിയ ജാമ്യാപേക്ഷ തലശ്ശേരി ജില്ല സെഷൻസ് കോടതി തള്ളി. തലശ്ശേരി കോടതിക്ക് സമീപത്തെ സൈനാസിൽ മനോഫ് റഹ്മാ​െൻറ (42) ജാമ്യാപേക്ഷയാണ് തള്ളിയത്. കണ്ണൂരിൽ അറസ്റ്റിലായ അഞ്ചുപേരുടെ കേസ് ദേശീയ അന്വേഷണ ഏജൻസി (എൻ.ഐ.എ) കഴിഞ്ഞ ദിവസം ഏറ്റെടുത്തിരുന്നു. മനാഫ്, തലശ്ശേരി കുഴിപ്പങ്ങാട് തൗഫീഖിൽ യു.കെ. ഹംസ (57), കണ്ണൂർ മുണ്ടേരി കൈപ്പക്കയിൽ മിഥിലാജ് (26), മയ്യിൽ ചെക്കിക്കുളം പള്ളിയത്ത് പണ്ടാരവളപ്പിൽ കെ.വി. അബ്ദുൽ റസാഖ്(24), മുണ്ടേരി പടന്നോട്ട്‌മെട്ട എം.വി ഹൗസിൽ എം.വി. റാഷിദ്(23) എന്നിവരാണ് റിമാൻഡിൽ കഴിയുന്നത്.