GENERAL... തലശ്ശേരി പുറംകടലിൽ തകർന്ന ഫൈബർ തോണി കണ്ടെത്തി

തലശ്ശേരി: തലായി പുറംകടലിൽ തകർന്നനിലയിൽ ഫൈബർ തോണി കണ്ടെത്തി. തീരത്തുനിന്ന് മൂന്നു നോട്ടിക്കൽ മൈൽ അകലെയാണ് ഇത് കണ്ടെത്തിയത.് ശനിയാഴ്ച രാവിലെ മത്സ്യബന്ധന തൊഴിലാളികളാണ് പുറംകടലിൽ തകർന്ന ഫൈബർ തോണി കണ്ടതായി തീരദേശ പൊലീസിൽ വിവരമറിയിച്ചത്. തുടർന്ന് പേട്രാളിങ് സംഘം ഇത് കരക്കെത്തിച്ചു. ടി.എൻ.എം.ഒ 844 നമ്പർ തോണി പരിശോധിച്ചപ്പോൾ കന്യാകുമാരി കുളച്ചലിൽ രജിസ്റ്റർ ചെയ്തതാണെന്ന് തിരിച്ചറിഞ്ഞതായി തീരദേശ പൊലീസ് പറഞ്ഞു. മത്സ്യബന്ധനത്തിനിടെ പുറംകടലിൽവെച്ച് തകർന്നതാകാമെന്ന നിഗമനത്തിലാണ് പൊലീസ്.