മാഹി പള്ളിക്ക് മുന്നിലെ തണൽമരം സംരക്ഷിക്കും

മാഹി: മാഹി സ​െൻറ് തെരേസാ ചർച്ചിന് സമീപമുള്ള മഴമരം മുറിച്ചുമാറ്റാനുള്ള നിക്ഷിപ്ത താൽപര്യക്കാരുടെ ശ്രമം ചെറുക്കുമെന്നും നിയമപരമായി നേരിടുമെന്നും പ്രകൃതിസംരക്ഷണ സമിതി ഭാരവാഹികൾ വാർത്തസമ്മേളനത്തിൽ അറിയിച്ചു. ദേശീയപാതയിലേക്ക് തള്ളിനിൽക്കുന്നതോ കച്ചവടസ്ഥാപനത്തിന് ഭീഷണിയാകുന്നതോ ആയ മരത്തി​െൻറ ശിഖരങ്ങൾ മുറിച്ചുനീക്കുന്നതിന് സമിതി എതിരല്ലെന്നും പ്രസിഡൻറ് പള്ള്യൻ പ്രമോദ് പറഞ്ഞു. മഞ്ചക്കൽ പത്മനാഭൻ, അഷ്റഫ് മഞ്ചക്കൽ, മോഹനൻ കിടാവ് എന്നിവരും വാർത്തസമ്മേളനത്തിൽ സംബന്ധിച്ചു.