തല കുടുങ്ങിയ പ്ലാസ്​റ്റിക്​ ഭരണിയിൽനിന്ന് തെരുവുനായ്​ക്ക് എട്ടാംനാൾ മോചനം

മംഗളൂരു: ചവറുകൾക്കിടയിൽ ആഹാരംതേടുന്നതിനിടെ തല പ്ലാസ്റ്റിക് ഭരണിയിൽ കുടുങ്ങിപ്പോയ തെരുവുനായ് എട്ടുനാൾ ആഹാരമില്ലാതെ അലഞ്ഞു. മിഠായിഭരണി സുതാര്യമായതിനാൽ കാഴ്ച മറഞ്ഞിരുന്നില്ല. ഉഡുപ്പി നഗരത്തിലെ ഈ ദയനീയകാഴ്ചയിൽ മനസ്സലിഞ്ഞ സാമൂഹികപ്രവർത്തകൻ നിത്യാനന്ദ ഒളക്കാട് നായുടെ തലയൂരാൻ കഴിഞ്ഞ ദിവസങ്ങളിൽ ശ്രമിച്ചെങ്കിലും പിടികൊടുത്തില്ല. വ്യാഴാഴ്ച സഹപ്രവർത്തകരുടെ സഹായത്തോടെ പിടികൂടി രക്ഷപ്പെടുത്തി.