താക്കോൽദാനവും ഓണക്കിറ്റ് വിതരണവും

പയ്യന്നൂർ: ഏഴിമല ലയൺസ് ക്ലബ് നിർമിച്ചുനൽകുന്ന വീടി​െൻറ സെപ്റ്റംബർ ഒന്നിന് വൈകീട്ട് നാലിന് രാമന്തളി പഞ്ചായത്ത് ഓപൺ എയർ ഓഡിറ്റോറിയത്തിൽ നടക്കുമെന്ന് ഭാരവാഹികൾ അറിയിച്ചു. രോഗബാധയെ തുടർന്ന് മരിച്ച കുന്നരുവിലെ ചൂരക്കാട്ട് ബാല​െൻറ കുടുംബത്തിനാണ് വീട് നൽകുന്നത്. ഏഴിമല ലയൺസ് ക്ലബ് ആറുപേർക്ക് നിശ്ചിതതുക മാസംതോറും പെൻഷനായി നൽകുന്നുണ്ട്. കുന്നരുവിൽ വാഹനാപകടത്തിൽ മാതാപിതാക്കളും സഹോദരിയും മരിച്ച ലിത്തുവിന് വീടുവെക്കാൻ ആറു സ​െൻറ് സ്ഥലവും നൽകിയിട്ടുണ്ട്. കൂടാതെ രാമന്തളിയിലും പരിസരത്തുമായി നിരവധി ജീവകാരുണ്യ പ്രവർത്തനങ്ങളും വികസനപ്രവർത്തനങ്ങളും നടത്തിവരുന്നതായി കെ.പി. ബാലകൃഷ്ണൻ, പി.പി. പവിത്രൻ, ബി.പി. രാമചന്ദ്രൻ, കെ. സഞ്ജീവൻ, എം. ധനഞ്ജയൻ, എൻ.വി. ദാസൻ എന്നിവർ വാർത്താസമ്മേളനത്തിൽ അറിയിച്ചു.